2016-imi inuussutissarsiornermi ilinniarfiit aammalu ilinniarnertuunngorniarfiit

2016-imi Kalaallit Nunaanni inuusuttunut ilinniarfinni 1.272-it ilinniarnernik aallartitsisimapput, taakku 2015-imut sanilliullugu 23-nik amerlipput. Inuussutissarsiornermi ilinniarfinni ilinniarnernik aallartittut 69-inik amerlanerupput, ilinniarnertuunngorniarfinnili 46-inik ikileriartoqarsimavoq.

 

2016-imili ilinniarnerit naammassineqartut 782-iusimapput. Ilinniarnertuunngorniarfinni ilinniarnerit naammassineqartut Qeqqata Ilinniarnertuunngorniarfiani 123-ullutik amerlanerpaasimapput, inuussutissarsiornermilu Perorsaanermik Ilinniarfimmi ilinniakkat 62-iullutik Imarsiornermik Ilinniarfimmi Paamiuniittumi ilinniakkat 54-iusimapput.